მსახიობი ევა ლონგორია დედა გასული წლის ივნისში გახდა. მას შემდეგ ის თავის შვილს, სანტიაგოს გვერდიდან არ იშორებს და ცდილობს ყველგან თან ატაროს. თუ პირდაპირი მნიშვნელობით არა, მისი ფოტო მაინც. პაპარაცებმა 43 წლის ვარსკვლავი მაშინ გადაიღეს, როცა ბევერლი ჰილზზე სილამაზის სალონიდან გამოვიდა. ის ყოველდღიურ სამოსში იყო გამოწყობილი. საყოველთაო ყურადღება მიიპყრო მისმა ჩანთამ, რომელზეც ევას და მისი შვილის ფოტოა გამოსახული წარწერით “შენ ხარ ჩემი ცხოვრება.“ ჯერ კიდევ ფეხმძიმობის დროს ევა აღიარებდა, რომ ბავშვის გაჩენა ბევრჯერ გადადო, რადგან ოცნებობდა ის საყვარელი ადამიანისგან გაეჩინა. ასეთი ადამიანი ბოლოს გამოჩნდა – მისი ქმარი, 50 წლის ბიზნესმენი ხოსე ანტონიო ბასტონი. მსახიობი მშობიარობიდან მალევე საყვარელ საქმეს დაუბრუნდა, თუმცა დროის ძირითად ნაწილს ბავშვთან ატარებს. 
