ევროკავშირმა კორონავირუსის საფრთხე უმაღლეს ნიშნულამდე გაზარდა. ამის შესახებ განცხადება ევროკომისიის პრეზიდენტმა, ურსულა ფონ დერ ლაიენმა დღეს გააკეთა.
„ევროპის დაავადებათა კონტროლისა და პრევენციის ცენტრში დღეს განაცხადეს, რომ ევროპაში კორონავირუსით დაავადების რისკი უმაღლეს ნიშნულამდე იზრდება. სხვაგვარად რომ ვთქვათ, ვირუსი გავრცელებას აგრძელებს“, – განაცხადა ურსულა ფონ დერ ლაიენმა.
ევროკავშირის წევრი 27 სახელმწიფოდან ვირუსი 18-ში გამოვლინდა, ახალი კორონავირუსის შედეგად ევროკავშირის 38 მოქალაქე დაიღუპა.
