ჰილარი კლინტონის უმცროსი ძმა, ტონი როდჰემ კლინტონი გარდაიცვალა. ამის შესახებ თავად ჰილარი კლინტონმა სოციალურ ქსელში დაწერა. გარდაცვალების მიზეზი ჯერჯერობით არ სახელდება.
“წუხელ ჩემი ძმა, ტონი დავკარგეთ. ძნელია სიტყვების პოვნა. ჩემი გონება სავსეა მასზე მოგონებებით. როცა ის ოთახში შემოდიოდა, მისი სიცილი ოთახს ანათებდა. ის კეთილი და გულუხვი იყო. მეგანის შესანიშნავი ქმარი, ზაქის, საიმონის და ფინოას შესანიშნავი მამა. ჩვენ ის ძალიან მოგვენატრება.“
როდჰამი 1954 წელს დაიბადა. ის ჰიუ როდჰემის და დოროთი ჰოუელის სამ შვილს შორის ყველაზე პატარა იყო. როდჰემი დემოკრატების ნაციონალურ კონვენტში მუშაობდაი ბილ კლინტონის პირველი საპრეზიდენტო კამპანიისას 1992 წელს და ჰილარის პირველი კამპანიისას 2007 წელს, როდესაც ის ცდილობდა დემოკრატების საპრეზიდენტო კანდიდატი გამხდარიყო. თუმცა ჰილარის 2016 წლის საპრეზიდენტო კამპანიისას საჯაროდ აღარ გამოჩენილა.
ტონი როდჰემი მეგან მადენზე იყო დაქორწინებული და სამი შვილი ჰყავდა. მანამდე ის ნიკოლ ბოქსერის, კალიფორნიის ყოფილი სენატორის შვილზე იყო დაქორწინებული და 2001 წელს განქორწინდა.
