52 წლის მსახიობმა ჰოლი ბერიმ თაყვანისმცემლებს ინსტაგრამზე საინტერესო ფოტო გაუზიარა და მოყვა, როგორ ისვენებს მძიმე სამუშაო კვირის შემდეგ.
პირად ფოტოებს მსახიობი იშვიათად აქვეყნებს. უფრო ხშირად მის ბლოგში “ფიტნეს–პარასკევობები“ ქვეყნდება, ანუ ფოტოები, რომლებზეც ჰოლი ბერი ინსტრუქტორ პიტერ ტომასთან ერთად ვარჯიშისას არის გადაღებული. ვარჯიშის წყალობით ის შესანიშნავ ფორმას ინარჩუნებს.
ინსტაგრამზე უკვე დიდი ხანია არსებობს თეგი SelfCareSunday (თავის მოვლა კვირაობით), რომლითაც მომხმარებლები აქვეყნებენ ფოტოებს, როგორ ისვენებენ კვირა დღეს და როგორ აღიდგენენ ძალებს. როგორც ირკვევა, მსახიობი ამას ყველაზე კარგად სააბაზანოში ახერხებს.
ფოტოზე ვარსკვლავი ქაფით სავსე აბაზანაში ზის. თავზე აბრეშუმის ნაჭერი აქვს შემოხვეული, ხელში ქაფი უჭირავს და მხიარულად გამოიყურება.
„მართლაც გრძელი და დამღლელი დღე იყო, მაგრამ მაინც გამოვნახე დრო #SelfCareSunday–სთვის ჩემს ქაფიან აბაზანაში“– მიაწერა ფოტოს კომენტარი ჰოლი ბერიმ.
