ამერიკის ომის კვლევის ინსტიტუტი მის ყოველდღიურ ანგარიშში წერს, რომ რუსეთი საკუთარ ამოცანად კვლავ თვლის კიევის ხელისუფლების შეცვლას. ინსტიტუტის ექსპერტები ყურადღებას ამახვილებენ რუსეთის უშიშროების საბჭოს მდივნის, ნიკოლაი პატრუშევის ბოლო განცხადებაზე, რომელმაც სამშაბათს ხაბაროვსკში, რუსეთის ეროვნული უსაფრთხოების საკითხებისადმი მიძღვნილ თათბირზე თქვა, რომ დასავლეთის მიერ უკრაინისთვის გაწეული სამხედრო დახმარების მიუხედავად, რუსეთი მიაღწევს „სპეციალური სამხედრო ოპერაციის“ მიზნებს.მან კვლავ გაიმეორა პუტინის თავდაპირველად გაცხადებული ამოცანა: “უკრაინის დემილიტარიზაცია და დენაციფიკაცია, მისი ნეიტრალური სტატუსის მიღწევა“.
ინსტიტუტის ექსპერტების აზრით პატრუშევის განცხადება მეტყველებს, რომ რუსეთის ხელისუფლება არ შემოიფარგლება დონეცკში და ლუგანსკში წარმატებებით და კრემლი ხანგრძლივი ომისთვის ემზადება, რათა უკრაინის ბევრად მეტი ტერიტორია დაიპყროს.
