უკრაინის შეიარაღებული ძალები განაგრძობენ კონტრშეტევებს ბახმუტის რაიონში, წერენ ომის შესწავლის ამერიკული ინსტიტუტის (ISW) ანალიტიკოსები თავიანთ ყოველდღიურ მოხსენებაში. ამის შესახებ შაბათს უკრაინის თავდაცვის მინისტრის მოადგილემ ანა მალიარმაც ისაუბრა. ევგენი პრიგოჟინმა, ვაგნერის დამფუძნებელმა, რომლის დანაყოფები ბახმუტის აღებას ცდილობენ, ასევე ცოტა ხნის წინ განაცხადა, რომ უკრაინულმა ძალებმა მოახერხეს ქალაქის მახლობლად ფლანგებზე მდებარე ტერიტორიის ნაწილის კონტროლის აღდგენა.
ტელეგრამის Z სეგმენტში ვრცელდება ცნობები, რომ უკრაინელმა სამხედროებმა მოახერხეს ახალი პოზიციების მიღწევა რუსეთის მიერ ოკუპირებულ კურდიუმოვკას მახლობლად, რომელიც ბახმუტიდან 14 კმ-ით არის დაშორებული და ამ მხარეში რუსების სევერსკი დონეცის მეორე მხარეს განდევნა. თუმცა, ჯერჯერობით ამ ინფორმაციის ვიზუალური დადასტურება არ არსებობს, ნათქვამია მოხსენებაში.
თავის მხრივ, უკრაინის შეიარაღებული ძალების აღმოსავლეთის ჯგუფის სპიკერმა, სერხი ჩერევატიმ შაბათს განაცხადა, რომ უკრაინის შეიარაღებულმა ძალებმა მოახერხეს 17,3 კვ. კმ ტერიტორიის გათავისუფლება ბახმუტის მიმართულებით სამდღიანი კონტრშეტევებით.
გარდა ამისა, ISW-ის ანალიტიკოსები ყურადღებას ამახვილებენ შაბათს ნაშუადღევს ბრაიანკის რეგიონში რამდენიმე რუსული თვითმფრინავის ჩამოვარდნის გარემოებებზე. ამ დრომდე, რუსეთის ხელისუფლების მხრიდან ინციდენტზე ოფიციალური რეაქცია არ ყოფილა, მაგრამ უკვე არსებობს ვარაუდები სხვადასხვა წყაროდან, რომ თვითმფრინავებისა და ვერტმფრენების ჩამოვარდნაზე პასუხისმგებელი უკრაინის არმიის საჰაერო თავდაცვის ძალებია. თუმცა, კომენტარისგან თავს იკავებს უკრაინის ხელისუფლებაც.
