23 თებერვალს საქართველოს სუპერთასის მატჩზე დინამო თბილისი შავი ფორმით ითამაშებს.
ფორმაზე გარდაცვლილ იუნკერთა და მეთაურთა სახელები იქნება დატანილი.
მატჩზე ერთმანეთს დინამო თბილისი და საბურთალო შეხვდებიან.
23 თებერვალს საქართველოში იუნკერთა ხსოვნის დღე აღინიშნება. ამ დღეს პატივს მიაგებენ 1921 წლის 23 თებერვალს საბჭოთა რუსეთის წითელი არმიის წინააღმდეგ კოჯორ-ტაბახმელასთან გამართულ ბრძოლაში დაღუპულ ახალგაზრდა იუნკერებს.
ფოტო: Live.ge
