ინდოეთის პრემიერ მინისტრმა, ნარენდრა მოდიმ ქვეყნის მთელ ტერიტორიაზე კორონავირუსის ეპიდემიასთან დაკავშირებით “აბსოლუტური კარანტინი“ გამოაცხადა. ის ქვეყნის მთელ მოსახლეობას – 1 მილიარდ 300 ათას ადამიანს შეეხება. აკრძალვის შესახებ მის ძალაში შესვლამდე ოთხი საათით ადრე გამოაცხადეს.
მოდიმ ადგილობრივი დროით 20 საათზე მოსახლეობას მიმართა. კარანტინი კი ადგილობრივი დროით ღამის თორმეტ საათზე იწყება და სამი კვირა გაგრძელდება.
მსოფლიოში კორონავირუსით დაინფიცირებულთა რიცხვი ზრდას განაგრძობს. კორონავირუსის ახალი შემთხვევების გამოვლენით ესპანეთი, გერმანია და იტალია ლიდერობენ.
ინდოეთი ამ დროისთვის ვირუსის გავრცელების სტატისტიკით ერთ–ერთ ბოლო ადგილზეა. კორონავირუსით 536 ადამიანია დაინფიცირებული. გარდაიცვალა ათი ადამიანი.
