ჩინეთში, სიჩუანის პროვინციაში მომხდარ ამბავს, რომელიც ქუჩაში გამვლელების წყალობით სოციალურ ქსელში გავრცელდა, სკანდალური გამოხმაურება მოყვა. ინტერნეტმომხმარებლების უმეტესობა ბებიის დასჯას მოითხოვს. როგორც ვიდეოში ჩანს, ბებიამ შვილიშვილი თოკით, მეხუთე სართულიდან მეოთხეზე ჩაუშვა.
როგორც daily mail-ი წერს, მეხუთე სართულიდან თოკზე მობმულ ბავშვს ევალებოდა, სართულებს შორის გაჭედილი კატა ჩანთაში ჩაესვა და სახლში ამოეყვანა.
შეშფოთებული გამვლელები მოუწოდებდნენ ბებიას დაუყოვნებლივ შეეწყვიტა “კატის სამაშველო ოპერაცია”, თუმცა ქალი ამტკიცებდა, რომ მის შვილიშვილს არაფერი მოსვლია.
როგორც გამოცემა წერს, 7 წლის ჰაო ჰაო მშობლების დატვირთული სამუშაო გრაფიკის გამო, ბებიასთან და ბაბუასთან იზრდება.
ბებიის განცხადებით, ვერ ხვდებოდა, რომ აივნიდან თოკით ჩაშვებისას მის შვილიშვილს საფრთხე ემუქრებოდა ,თუმცა ვიდეოს ნახვის შემდეგ, ამბობს, რომ გაიაზრა, რამდენად სახიფათო იყო ამგვარი ქმედება.
