ავიაკომპანია United –ის თვითმფრინავი, რომელიც სანფრანცისკოდან ბერბანკში მიფრინავდა ქალაქ ბეიკერსფილდში ავარიულად დაეშვა. თვითმფრინავის ბორტზე პოპულარული მსახიობი კიანუ რივზი იმყოფებოდა. ამის შესახებ პორტალი yahoo აშშ–ს ავიაციის ადმინისტრაციაზე დაყრდნობით იუწყება.
ავარიული დაშვების მიზეზად მექანიკური გაუმართაობა სახელდება. დაშვება წარმატებით გახორცილედა და არავინ დაშავებული. თვითმხილველები ამტკიცებენ, რ ომ დაფრენის შემდეგ კიანუ რივზმა, რომელსაც ყველა სახის ტრანსპორტით მოგზაურობის დიდი გამოცდილება აქვს, საკუთარ თავზე აიღო როგორც საკუთარი, ასევე დანარჩენი მგზავრების დანიშნულების ადგილამდე სახმელეთო გზით მიღწევის ორგანიზება.
“ის მომენტი, როცა თქვენი რეისი კატასტროფას განიცდის და ავარიულად უნდა დაეშვათ შორეულ აეროპორტში, თუმცა ხედავ, რომ კიანუ რივზსაც ისეთივე წარუმატებელი დღე აქვს როგორც შენ. წარმოიდგინეთ, კინაღამ დაიღუპე, და უცებ ფანები გეხვევიან გარშემო და ერთობლივი ფოტოების გადაღებას გთხოვენ. უარესი რაღა უნდა იყოს“– დაწერა ტვიტერის გვერდზე ერთ–ერთმა თანამგზავრმა, თამაშების სტუდია Unboxed Experience–ის დამფუძნებელმა ამირ ბლუმმა.
