კორონავირუსმა შოტლანდიამდე მიაღწია. ინფორმაციას ამის შესახებ “Daily Record” ავრცელებს.
ამ დროისათვის, ოთხი ადამიანი კორონავირუსის მსგავსი სიმპტომების გამო საავადმყოფოში გადის შემოწმებას. როგორც ცნობილია, ოთხივე მათგანი ჩინეთში, ქალაქ უხანში იმყოფებოდა. ისინი უხანიდან რამდენიმე დღის წინ დაბრუნდნენ.
შეგახსენებთ, რომ სწორედ ეს ქალაქია დაავადების გავრცელების ეპიცენტრი.
კორონავირუსის წყარო შესაძლოა გველები იყვნენ – რას ამბობენ მეცნიერები
კორონავირუსის შემთხვევის გამოვლენა უკვე დადასტურდა ამერიკის შეერთებულ შტატებში, ჰონგ კონგში, ტაივანში, ტაილანდში, იაპონიაში, სამხრეთ კორეასა და სინგაპურშიც.
ბოლო მონაცემებით, ჩინეთში კორონავირუსით უკვე 634 ადამიანია ინფიცირებული, გარდაცვლილთა რაოდენობა კი 17-ს შეადგენს.