საქართველოში ყველაზე მდიდარი ადამიანი ბიძინა ივანიშვილი 180 მილიონი დოლარით გაღარიბდა. ამის შესახებ ინფორმაციას ბლუმბერგი ავრცელებს.
ბლუმბერგის მილიარდელების ინდექსის მიხედვით რეიტინგში ბიძინა ივანიშვილი 354-ე ადგილზე იმყოფება და მისი ქონება დღევანდელი მდგომარეობით – 5.37 მილიარდს შეადგენს, მაშინ როცა, მიმდინარე წლის 23 თებერვლის მონაცემებით, ივანიშვილის ქონება 5.55 მილიარდ დოლარად იყო შეფასებული.
“ბლუმბერგის” მიხედვით, მდიდარმა ადამიანებმა არაერთი მილიონი კორონავირუსის გამო დაკარგეს.
მათივე ცნობით, გასული კვირის განმავლობაში, ბიძინა ივანიშვილის მსგავსად, მსოფლიოს უმდიდრესმა 499 ადამიანმა, ჯამში 444 მილიარდი დოლარი იზარალა.
