კვირას მილანის საავადმყოფოში კორონავირუსით გამოწვეული Covid-19–ის პნევმონიისგან 92 წლის ასაკში არქიტექტორი და ხელოვნების თეორეტიკოსი ვიტორიო გრეგოტი გარდაიცვალა.
გრეგოტი ვენეციის ბიენალეს სახვითი ხელოვნების მიმართულების დირექტორი იყო 1974–1976 წლიდან. გრეგოტის მონაწილეობით 1992 წელს მოხდა ლუის კომპანისის სახელობის ბარსელონას ოლიმპიური სტადიონის რეკონსტრუქცია. ვიტორიო გრეგოტი იყო 1990 წელს ხელახლა აშნებული ლუიჯი ფერარისის სტადიონის პროექტის ავტორი გენუაში. 1970–იან წლებში არქიტექტორმა დააფუძნა სტუდია Gregotti Associati International, რომლის პროექტებს შორის არის მილანის არჩიმბოლდის თეატრი, ექს –ან – პროვანსის თეატრი საფრანგეთში, ბელემის კულტურის ცენტრი ლისაბონში, მილანის ბიკოკის რაიონის განვითარების გეგმა.
კორონავირუსის სიმპტომებით მილანის საავადმყოფოში გადაიყვანეს არქიტექტორის მეუღლე, მარიანა მარცაც, რომელიც ამ დრომდე იქ რჩება.
