გასული წლის 26 დეკემბერს მომღერალი მაილი საირუსი 28 წლის მსახიობის, ლიამ ჰემსვორთის ცოლი გახდა. წყვილმა ცერემონიალი მკაცრად გაასაიდუმლოა, თუმცა რამდენიმე დღის შემდეგ ქორწინება ღიად დაადასტურეს. ახლა კი ცნობილი ხდება, რომ მომღერალი ქორწინებისას ქმრის გვარზე გადავიდა.
ამის შესახებ ლიამმა სატელევიზიო შოუში განაცხადა. მისი თქმით შეყვარებულისთვის მის გვარზე გადასვლა არ უთხოვია და მაილიმ ეს თვითონ გადაწყვიტა. ჰემსვორთმა ამის შესახებ მხოლოდ ქორწილის დროს გაიგო. ამ მომენტს მან ცერემონიალის საუკეთესო მომენტი უწოდა. “ახლა მისი გვარია მაილი რეი ჰემსვორთი. ფსევდონიმი მაილი საირუსი მხოლოდ სცენისთვის დარჩება“ – თქვა მსახიობმა.
