გერმანულმა ავტოკონცერნმა Mercedes-Benz ოფიციალურად გამოაცხადა რუსეთიდან წასვლისა და ადგილობრივ შვილობილ კომპანიებში წილის გაყიდვის შესახებ.
სააგენტო როიტერი კონცერნის პრეს–მდივნის განცხადებას ავრცელებს, რომელმაც თქვა, რომ კონცერნის აქციებს რუსულ საწარმო “კამაზში“ ეს არ შეეხება, რადგან წლის ბოლომდე ისინი Daimler Truck–ს გადაეცემა, როგორც დაგეგმილი იყო.
რუსეთის მრეწველობისა და ვაჭრობის სამინისტრომ თავის მხრივ განაცხადა, რომ ჰოლდინგი “ავტოდრომი“, როგორც მერსედესის რუსული განყოფილების ახალი მფლობელი, შეძლებს საწარმოო პარტნიორების სახით სხვა კომპანიები მიიზიდოს, რათა პადმასკოვიეში მდებარე ქარხნის ბაზაზე ერთობლივი წარმოება ააწყოს.
უწყება გეგმავს კომპანიას პარტნიორის მოძებნაში დაეხმაროს.
