საქართველოს მოსახლეობის 53 % მიიჩნევს, რომ ქვეყანა არასწორი მიმართულებით ვითარდება- ამის შესახებ კვლევის შედეგები ეროვნულ-დემოკრატიულმა ინსტიტუტმა (NDI) და CRRC–საქართველომ გამოაქვეყნეს.
მოსახლეობის მხოლოდ 19 % მიიჩნევს, რომ ქვეყანა სწორი მიმართულებით მიდის, 24% კი ფიქრობს, რომ ქვეყანაში არაფერი იცვლება.
ცნობისთვის, ეროვნულ-დემოკრატიულმა ინსტიტუტმა (NDI) და CRRC–საქართველომ მედიას 2019 წლის ნოემბერ-დეკემბერში ჩატარებული საზოგადოებრივი აზრის კვლევის შედეგები წარუდგინა. პრეზენტაციაზე ქვეყნის განვითარების კურსთან, დემოკრატიის განვითარებასთან, მთავრობის და ინსტიტუტების საქმიანობასთან, პარტიებთან და მიმდინარე მოვლენებთან დაკავშირებული მიგნებები იყო წარმოდგენილი.
კვლევის საველე სამუშაოები 2019 წლის 19 ნოემბერი-13 დეკემბრის პერიოდში, საქართველოს მასშტაბით (ოკუპირებული ტერიტორიების გამოკლებით) ჩატარდა. სულ პირისპირ ინტერვიუს წარმომადგენლობითი შერჩევის საფუძველზე 2 180 პირი გამოკითხეს.
საშუალო ცდომილების ზღვარი +/- 1,9%-ია.
