შეერთებული შტატების საზღვაო ძალები აცხადებს, რომ ომანის სრუტეში ნავთობის ორ ტანკერს დახმარება აღმოუჩინა, რომლებზეც სავარაუდოდ, თავდასხმა მოხდა.
ბაჰრეინში ბაზირებული ამერიკის მეხუთე ფლოტის ინფორმაციით, ორივე ტანკერმა დახმარების თხოვნით ბაზას ერთი საათის ინტერვალით დაურეკა.
ირანის სახელმწიფო საინფორმაციო სააგენტო „ირნა“ იტყობინება, რომ ირანის საზღვაო ძალებმა ცეცხლმოდებული ტანკერების ბორტზე მყოფი 44 მეზღვაური გადაარჩინა.
ომანის სრუტე ჰორმუზის სრუტესთან ახლოს მდებარეობს. ჰორმუზის სრუტეზე მსოფლიოში ერთ-ერთი ყველაზე მნიშვნელოვანი სანაოსნო მარშრუტი გადის, რომელიც ნედლი ნავთობის გადასაზიდად გამოიყენება.
მაისში შეერთებულმა შტატებმა ირანი დაადანაშაულა არაბთა გაერთიანებული საამიროების სანაპიროსთან ახლოს, ნავთობის ოთხ ტანკერზე საზღვაო ნაღმებით თავდასხმაში.
ირანი ბრალდებას უარყოფს.
