ამერიკელი მსახიობი პამელა ანდერსონი და ჰოლივუდელი კინოპრდიუსერი, ჯონ პიტერსი 12 დღიანი ქორწინების შემდეგ ერთმანეთს დაშორდნენ. ამის შესახებ The Hollywood Reporter წერს. გამოცემის ცნობით წყვილმა ურთიერთობებში “შესვენება“ გამოაცხადა. პამელა ანდერსონთან დაახლოებული წყარო ყვება, რომ მათ ჯერ კიდევ არ შეუტანიათ იურიდიული დოკუმენტები ქორწინების მოწმობის ასაღებად.
“ვიღებთ პაუზას, რათა გადავაფასოთ ის, თუ რა გვინდა ერთმანეთისგან და ცხოვრებისგან. ცხოვრება – ეს არის მოგზაურობა, სიყვარული კი პროცესია. ამ უნივერსალური სიმართლის გათვალისწინებით, ურთიერთშეთანხმებით გადავწყვიტეთ ჩვენი ქორწინების მოწმობის გაფორმება გადავდოთ.“– ნათქვამია ანდერსონის განცხადებაში. წყვილი ყველას თხოვს არ ჩაერიონ მათ ურთიერთობაში.
ინფორმაცია იმის შესახებ, რომ პამელა ანდერსონი დიდი ხნის მეგობარს გაყვა ცოლად იანვრის ბოლოს გავრცელდა.
