ვარსკვლავებს პაპარაცები არ უყვართ, მაგრამ ხანდახან წარმატებული ფოტო, თუნდაც ის პაპარაცის გადაღებული იყოს მათაც მოსწონთ. მონიკა ბელუჩიმ ბლოგზე დადო ფოტო, რომელიც პაპარაცებმა იტალიის ქალაქ საბაუდიაში გადაუღეს. 54 წლის მსახიობი სანაპიროზე მოსეირნობს და ხელში გაზეთი უჭირავს. ტანზე კი ყვავილებით დაპრინტული კაბა აცვია. ფოტოგრაფმა ფოტოს გადაღება იმ მომენტში მოასწრო, როცა ქარმა მსახიობს შეხსნილი კაბა აუფრიალა და ფეხები გამოუჩნდა.
“იტალიური უიქ–ენდი საბაუდიაში. კატერიდან ჩამოსვლის შემდეგ ცოტა ქარი დაგვხვდა“ – მიაწერა
რა თქმა უნდა, ფოტომ თაყვანისმცემლების აღტაცება გამოიწვია და ინსტაგრამზე ვარსკვლავის ხელმომწერებმა კიდევ ერთხელ გაიმეორეს, რომ მონიკა ბევრ 20 წლის გოგოს ჯობია და რომ ის ქალღმერთია.
მონიკა ბელუჩის ორი შვილი ყავს ყოფილი ქმრისგან, ვენსან კასელისგან, რომელსაც ცოტა ხნის წინ მესამე შვილი მოდელ თინა კუნაკისთან შეეძინა. ამჟამად მონიკა 36 წლის მხატვარს, ნიკოლა ლეფევრს ხვდება. წყვილი ურთიერთობას აღარ მალავს.
