იტალიელმა საოპერო მომღერალმა, პლასიდო დომინგომ განაცხადა, რომ ოჯახთან ერთად კარანტინში მიდის მას შემდეგ, რაც მას კორონავირუსის დიაგნოზი დაუსვეს.
დომინგომ ფეისბუქზე დაწერა:
“ჩემს მორალურ ვალდებულებად ვთვლი ღიად განვაცხადო, რომ კორონავირუსი Covid19 მაქვს“
მომღერალმა მოუწოდა ხელმომწერებს ადამიანებთან ურთიერთობის დროს დისტანცია შეინარჩუნონ, ხელები გულდასმით დაიბანონ და ექიმების ყველა რჩევა გაითვალისწინონ.
“მე და ჩემი ოჯახი თვითიზოლაციაში იმდენ ხანს დავრჩებით, რამდენიც სამედიცინო თვალსაზრისით იქნება საჭირო. ჯერჯერობით თავს ყველა კარგად ვგრძნობთ, თუმცა მე ტემპერატურა და ხველა მქონდა, ამიტომაც გადავწყვიტე ანალიზი გამეკეთებინა და შედეგი დადებითი აღმოჩნდა. ყველას მოვუწოდებ განსაკუთრებული სიფრთხილისკენ, ჰიგიენური ნორმების დაცვისკენ. არ მიუახლოვდეთ ადამიანებს ორ მეტრზე ახლოს, ყველაფერი გააკეთეთ, რომ ხელი შეუშალოთ ვირუსის გავრცელებას და შეძლებისდაგვარად დარჩით სახლში. ერთად შევძლებთ ამ ვირუსის დამარცხებას და მსოფლიო კრიზისისთვის ხელშეშლას, რომ ახლო მომავალში ნორმალურ ცხოვრებას დავუბრუნდეთ“– დაწერა მომღერალმა.
