ჯენიფერ ენისტონმა დიდი ხანია წყენა დაივიწყა და შეურიგდა ყოფილ ქმარს, ბრედ პიტს, თუმცა ანჯელინა ჯოლის, რომელიც მათი განქორწინების მიზეზი გახდა, დღემდე ვერ იტანს და არ ახსენებს. მაგრამ ამ დღეებში დუმილი დაარღვია და Vanity Fair–ისთვის მიცემულ ინტერვიუში მათ ურთიერთობაზე ისაუბრა.
სერიალ “მეგობრების“ ვარსკვლავმა თქვა, რომ ანჯელინას პირადად ცხოვრებაში ერთხელ, სრულიად შემთხვევით გადასაღები სტუდიის ავტოსადგომზე შეხვდა. ეს 2004 წელს მოხდა.
იმ დროისათვის ჯენიფერის და ბრედის ურთიერთობები დაძაბული იყო. ოჯახში უთანხმოება იზრდებოდა. ბრედ პიტს არ უნდოდა რომ ჯენიფერს ცნობილი სიტკომის ბოლო სეზონში მიეღო მონაწილეობა. ჯენიფერმა კი გადაწყვიტა, რომ სისულელე იყო უზარმაზარ ჰონორარზე უარის თქმა, რომელიც ერთი სერიისთვის 1 მილიონ დოლარს შეადგენდა.
თავად პიტი ფილმ “მისტერ და მისის სმიტების“ გადაღებებისთვის ემზადებოდა, სადაც მისი პარტნიორი ანჯელინა ჯოლი იყო. ამიტომაც ავტოსადგომზე ანჯელინას დანახვისას ბრედ პიტის მაშინდელი ცოლი მას ისე მიესალმა, როგორც ქმრის კოლეგას.
“გავჩერდი და გავეცანი. ვუთხარი: ბრედი ძალიან მოხარულია, რომ თქვენთან იმუშავებს. იმედი მაქვს კარგ დროს გაატარებთ“ – იხსენებს ამ მომენტს ინტერვიუში ჯენიფერ ენისტონი. მისდა სამწუხაროდ მისი სიტყვები წინასწარმეტყველური აღმოჩნდა.
გადაღებების დროს ბრედ პიტი ანჯელინასთან ურთიერთობაში ისე ჩაეფლო, რომ ცოლთან სულ უფრო დისტანცირდა. 2005 წლის იანვარში კი იმ პერიოდში ჰოლივუდის ერთ–ერთმა ყველაზე პოპულარულმა წყვილმა განქორწინების შესახებ განაცხადა. მალე ანჯელინა ბრედ პიტისგან დაფეხმძიმდა და გოგონა შაილო გააჩინა.
ჯენიფერმა ბრედთან დაშორება მძიმედ გადაიტანა. ბრედ პიტმა ყოფილ ცოლს ბოდიში მხოლოდ 2017 წელს მოუხადა იმ ტკივილისთვის, რაც განქორწინებით მიაყენა. ანჯელინა ჯოლისთან დაშორების შემდეგ კი მასთან მეგობრული ურთიერთობა განაახლა. ამჟამად ყოფილ მეუღლეებს კარგი ურთიერთობა აქვთ. ბრედი ცოტა ხნის წინ ჯენიფერ ენისტონის 50 წლის იუბილეზეც კი მივიდა.
ჯენიფერ ენისტონი ახალი ურთიერთობების გაბმას არ ჩქარობს. ის ირწმუნება, რომ ამისათვის დრო არ აქვს.
