რუსეთის პრეზიდენტის პრეს მდივანმა, დიმიტრი პესკოვმა თბილისში დაწყებულ არეულობას რუსოფობიური პროვოკაცია უწოდა.“რუსოფობიის მსგავსი გამოვლინებები ჩვენს სერიოზულ შეშფოთებას იწვევს, რადგან, მოდით, ნუ დავივიწყებთ, რომ საქართველო, მაინც არის ქვეყანა, რომელსაც რეგულარულად სტუმრობს ბევრი რუსი ტურისტი. ამიტომაც საკითხი უკიდურესად სერიოზულია“– განუცხადა პესკოვმა ინტერფაქსს.
რუსეთის საგარეო საქმეთა სამინისტროს ოფიციალურმა წარმომადგენელმა, მარია ზახაროვამ ფეისბუქ გვერდზე დაწერა: “დიახ, გუშინ ჩვენ ვნახეთ ეს კოშმარული პროვოკაცია, რომელიც , სხვათა შორის ტურისტული სეზონის პიკზე მოაწყვეს. ვინმეს შეუძლია გარანტია მოგვცეს, რომ პროვოკატორების მიერ გაქეზებული ტალღა სასტუმროებს არ შეესევა?“
საგარეო საქმეთა მინისტრის მოადგილემ, გრიგორი კარასინმა კი განაცხადა, რომ ქართულ ოპოზიციას სურს მოსკოვსა და თბილისს შორის ურთიერთობების ნორმალიზაციას ავნოს.
“ეს არის ქართული რადიკალური პოლიტიკური ჯგუფების ვაკხანალია, რომლებიც ყველაფერს აკეთებენ, რომ რუსეთსა და საქართველოს შორის ორმხრივი ურთიერთობების ნორმალიზაციას ხელი შეუშალონ.“– განაცხადა კარასინმა.
