48 წლის ნაომი ქემფბელი 14 წლიანი პაუზის შემდეგ კვლავ გახდა ვალენტინოს სახე. ბრენდის ახალი სარეკლამო კამპანიისთვის სუპერ მოდელი ნიუ იორკის მეტროში ჩავიდა, სადაც ფოტოგრაფებმა – ინესმა და ვინუდმა რამდენიმე დახვეწილი შავ–თეთრი ფოტო გადაიღეს. ერთ–ერთ მათგანზე მოდელი მატარებლის მოლოდინში ბაქანზე ზის. შიშველ მოდელს მხრებზე ბრჭყვიალა მოსასხამი აქვს მოხვეული, მუხლებზე კი ბრენდის ჩანთა უდევს.
ფოტოსესიის შემქმნელებმა ასეთი უჩვეულო ადგილის შერჩევა თავისებურად ახსნეს. ფოტოგრაფების ჩანაფიქრით, მეტროპოლიტენში ერთმანეთს ხვდება თანამედროვეობა და კლასიკა. “ქალაქებში ისტორიები მიკროსკოპული მომენტებისგან იქმნება, წარმოსახვისა და ვარაუდების ხარჯზე. ერთი წამში, ერთ თვალის შევლების შემდეგ წარმოვიდგენთ ხოლმე მათ ცხოვრებას, ვისთან ერთადაც ვმგზავრობთ, ახლოს ჩავუვლით ან ვმოგზაურობთ.“ – ამბობენ ფოტოგრაფები.
მეორე გამოქვეყნებულ ფოტოზე მოდელი იმავე მოსასხამში დგას, კედელზე მიყრდნობილი. უკანა ფონზე კი მიმავალი ვაგონის სინათლეები ჩანს.
“ბედნიერი ვარ, რომ ისევ ამ ბრენდის სახე გავხდი“ – ამბობს ნაომი, რომელმაც მარტში ფურორი მოახდინა, როცა პარიზის მოდის კვირეულზე ვალენტინოს ჩვენებაზე გამოვიდა.
ნაომი ქემფბელი ბოლო ათწლეულების ერთ–ერთი ყველაზე პოპულარული მოდელია.
