მეგანისა და ჰარის გარშემო არსებულ კრიტიკას და მედიასაშუალებებში მათ შესახებ გაშუქებულ ამბებს მომღერალი ჯეიმს ბლანტი გამოეხმაურა. ის ერთ-ერთი იყო მსოფლიოს უამრავ ცნობილ ადამიანებს შორის, რომელიც უინძორის სასახლის წმინდა გიორგის სამლოცველოში სამეფო წყვილის საქორწინო ცერემონიას ესწრებოდა. ბლანტმა პრინცი ჰარი ჯარში მსახურობის დროს გაიცნო.
„მას მე არმიიდან ვიცნობ, ჰარი განსაკუთრებული ჯარისკაცი იყო. ის ძალიან კარგი ადამიანია. უამრავ საქმეს აკეთებს სხვების დასახმარებლად, იქნება ეს აფრიკაში თუ სხვადასხვა საქველმოქმედო ორგანიზაციაში მონაწილეობით“ – ამბობს ბლანტი და დასძენს, რომ ჟურნალ-გაზეთებში გამოტანილი გესლიანი სათაურები ბულინგზე მეტყველებს. ტყუილად ნუ აბულინგებთ” – ასე დაიცვა ჯეიმს ბლანტმა ჯარის მეგობარი პრინცი ჰარი.
პრინცი ჰარი და მეგან მარკლი მედიის მხრიდან მუდმივად ყურადღების ცენტრში არიან. ახალ დოკუმენტურ ფილმში, Harry & Megan: An African Journey, პრინცი ჰარი დიდი ბრიტანეთის დატოვებასა და სამუდამოდ აფრიკაში ცხოვრებაზე საუბრობს.
