უკრაინაში დაბრუნებული მიხეილ სააკაშვილი კიევთან ახლოს, დედამისის, გიული ალასანიას მიერ აშენებულ სახლში დასახლდა.
ინფორმაცა იმის შესახებ, რომ გიული ალასანია კიევთან სახლს აშენებდა წელიწად ნახევრის წინ გავრცელდა. იმ პერიოდში სააკაშვილი უკრაინიდან უკვე გაძევებული იყო.
სააკაწვილმა სოციალურ ქსელში გაავრცელა კომენტარი და ვიდეო, სადაც გიული ალასანია სახლის მშენებლობის შესახებ საუბრობდა.
“2016 წელს, როდესაც ოდესიდან კიევში გადავედი საცხოვრებლად დედაჩემი მიხვდა, რომ აქ ვაპირებდი დარჩენას, გაყიდა მშობლების სახლი თბილისის ცენტრში და კიევთა ახლოს იყიდა მიწა, სადაც დაახლოებით 1 წლის წინ სახლის მშენებლობა დაიწყო. მიწა, რომელზეც სახლი შენდება 600 კვადრატული მეტრია, სახლის საცხოვრებელი ფართი 64 კვადრატული მეტრი. სახლის კარგასი აშენებულია, თუმცა შიდა რემონტი არ დაწყებულა და სამუშაოები აგვისტოს შემდეგ შეჩერებულია“– წერდა სააკაშვილი.
გიული ალასანია კი ვიდეოში ამბობდა, რომ კიევში მას და მის ოჯახს ხშირად უწევთ ჩასვლა და სასტუმრებში დარჩენას საკუთარი სახლის აშენება ურჩევნიათ. გიული ალასანია იმედს გამოთქვამდა, რომ ამ სახლში მალე მისი შვილიც გადავიდოდა საცხოვრებლად. ალასანიას თქმით, მას საკმაოდ კარგი ხელფასი – ყოველთვიურად 6400 დოლარი აქვს მის მიერ დაარსებულ უნივერსიტეტში.
სააკაშვილის დედის იმედები გამართლდა და უკრაინაში დაბრუნებული სააკაშვილი მის მიერ აშენებულ სახლში ცხოვრობს, სადაც სარემონტო სამუშაოები ახალი დასრულებულია. P.S.-ის ჟურნალისტები ექსპრეზიდენტმა სახლში დაპატიჟა და გადაღების საშუალება მისცა. ინტერვიუში სააკაშვილმა კიდევ ერთხელ ხაზი გაუსვა, რომ სახლი ას კვადრატულ მეტრზე ნაკლებია.
