უკრაინის ყოფილი პრეზიდენტი, პეტრო პოროშენკო ფეისბუქ გვერდზე ვიდეომიმართვას ავრცელებს და უკრაინელებს მოუწოდებს საქართველოში დაისვენონ. პოროშენკოს ვიდეომიმართვას და უკრაინულ ტექსტს წინ უძღვის ქართულად დაწერილი “უკრაინელების გულები საქართველოსთვის ძგერს”.
ყოფილი პრეზიდენტიამბობს, რომ მისი პოლიტიკური ძალა სოლიდარულია ქართველი ხალხის მიმართ, რომელიც ეწინააღმდეგება რუსულ იმპერიალიზმსა და ებრძვის კორუფციას.
“ჩვენ, უკრაინელებმა ჩვენი ქართველი ძმები გაჭირვებაში არ უნდა მივატოვოთ. რა თქმა უნდა, მე მოვუწოდებთ უკრაინელებს, რომ უკრაინაში დაისვენონ, მაგრამ ვინც აპირებს საზღვარგარეთ ან ოკუპირებულ ყირიმში წასვლას, ვურჩევ საქართველოზე ორიენტირდეს. მივმართავ უკრაინის ხელისუფლებასა და ინფრასტრუქტურის სამინისტროს, რათა ამ პერიოდში უკრაინა-საქართველო-უკრაინის რეისებისთვის საჰაერო ნავიგაციისა და აეროპორტის შესაკრებელზე ფასდაკლება დააწესოთ, რათა ავიაკომპანიებმა ბილეთებზე ფასის დაკლება შეძლონ. “.
პოროშენკო მოუწოდებს საგარეო საქმეთა სამინისტროს, რომ საქართველოს დასახელება უკრაინულად Грузії –ს ნაცვლად Сакартвело–თი შეიცვალოს.
