უკრაინის პარლამენტმა 20 მაისი ახალი პრეზიდენტის ინაუგურაციის დღედ გამოაცხადა. 315 დეპუტატმა ამ თარიღს დაუჭირა მხარი, 2-მა მის წინააღმდეგ მისცა ხმა. თავად ვლადიმირ ზელენსკი ინაუგურაციის გამართვას 19 მაისს უჭერდა მხარს. მან პარლამენტის დათხოვის და ადრეული არჩევნების შესაძლებლობაზეც ისაუბრა და კანონმდებლები ინაუგურაციის თარიღის გამიზნულად გადავადებაში დაადანაშაულა.
უკრაინის ახლადარჩეულმა 41 წლის პრეზიდენტმა პირობა დადო, რომ ქვეყანაში გაბატონებულ კორუფციას აღმოფხვრავს, და რუსეთის მიერ მხარდაჭერილ სეპარატისტებთან ომს ბოლოს მოუღებს უკრაინის აღმოსავლეთში.
