ვინც პატრიარქს დასცინის, ის საკუთარ თავს დასცინის,- დეკანოზმა შალვა კეკელიამ საკვირაო ქადაგების დროს პატრიარქის ეპისტოლეზე ისაუბრა.
მისი თქმით, ილია მეორეს ყველაზე კარგი ეპისტოლე წელს ჰქონდა.
„წელს არავის არ დაელაპარაკა პატრიარქი, არც მთავრობას, არც ოპოზიციას, არც ჩვენ არც არავის, პირდაპირ ღმერთს დაელაპარაკა…
ვინც პატრიარქს დასცინის, ის საკუთარ თავს დასცინის. მე ისინი მეცოდებიან, როგორც მაცხოვარს ეცოდებოდა ყველა. ზუსტად ასე იქცევა ჩვენი პატრიარქიც. ქრისტიანობა არის ქრისტეს მიმბაძველობა. ზუსტად მოიქცევა ჩვენი უწმიდნესიც. წარმოიდგინეთ 87 წლის კაცს, წელშიმოხრილს როგორ ვექცევით. როგორ აძლევენ ასეთ ადამიანებს ეთერებს, ჩვენი ერი ამის გამო დაისჯება. ერი დაისაჯა ეკლესიების დანგრევის გამო, სასულიერო პირების დახვრეტის გამო და ზუსტად ასევე დავისჯებით, თუ აზრზე არ მოვალთ“, – განაცხადა მამა შალვა კეკელიამ.
