ამერიკული გამოცემა Washington Post წერს, რომ აშშ გეგმავს უკრაინას მიაწოდოს კასეტური ჭურვები სარაკეტო არტილერიისთვის. მათი დიაპაზონი უფრო დიდია, ვიდრე საარტილერიო კასეტური ჭურვები, რომლებსაც პენტაგონი უკვე აწვდის კიევს.
ბაიდენის ადმინისტრაცია აფასებს უკრაინაში ომის გაგრძელების ალბათობას მომავალ წელს და შესაძლოა მის შემდეგაც და განიხილავს რამდენიმე ახალ გზას კიევისთვის მხარდაჭერის გაზრდის მიზნით, ნათქვამია The Washington Post-ის ანალიტიკურ მასალაში.
„მაგალითად, ვაშინგტონში მზარდია მხარდაჭერა MLRS-ისთვის კასეტური საბრძოლო მასალის მიწოდებისთვის, რომელმაც შეიძლება უფრო ღრმად შეაღწიოს მტრის ზურგში, ვიდრე საარტილერიო საბრძოლო მასალამ, რომლის მიწოდებაც შეერთებულმა შტატებმა გასულ თვეში დაიწყო“, – წერს გაზეთი.
აშშ გეგმავს გააგრძელოს უკრაინის არმიის აღჭურვა მრავალი სხვა იარაღის სისტემით, მათ შორის F-16 თვითმფრინავებით, რომელთა ჩამოსვლა უკრაინაში WP-ის ცნობით რამდენიმე თვეში დაიწყება.
