Youtube-მა რუსული ტელევიზია “ცარგრად ტივისა” და მისი ყოფილი მთავარი რედაქტორის, ალექსანდრ დუგინის ანგარიშები დაბლოკა – მიზეზი სავაჭრო რეგულაციების დარღვევაა.დაბლოკვამდე ტელევიზიის YouTube არხს მილიონზე მეტი გამომწერი ჰყავდა. Google-მა ის სამუდამოდ გააუქმა.
დუგინი ვლადიმერ პუტინის აქტიური მხარდამჭერია. ის საერთაშორისო „ევრაზიული მოძრაობის“ იდეოლოგია, რომელიც 2008 წლის ომის დროს რუსეთის მთავრობას თბილისის დაპყრობას და პრორუსული მთავრობის ჩამოყალიბებას ურჩევდა. დუგინი ასევე დაკავშირებულია “ოჯახების მსოფლიო კონგრესთანაც”, რომლის რეგიონულ კონფერენციას 2014 წელს საქართველოში ლევან ვასაძემ უმასპინძლა.
