Reuters-ი უკრაინელ სამხედროებზე დაყრდნობით იუწყება ხუთშაბათს აღმოსავლეთ უკრაინაში მძიმე ბრძოლების შესახებ.
როგორც ცნობილია, რუსული ჯარები აგრძელებენ შეტევის მცდელობას დონეცკის რეგიონში ბახმუტის მიმართულებით. მათი თავდასხმები ავდეევკასა და კუპიანსკის მიმართულებებზე ჯერჯერობით წარუმატებელი იყო.
ერთი დღით ადრე უკრაინის პრეზიდენტმა ვოლოდიმირ ზელენსკიმ განაცხადა, რომ რუსული ჯარები აგროვებენ ძალებს ბახმუტის რაიონში დიდი დანაკარგების მიუხედავად.
ლუგანსკის ოლქის გუბერნატორმა სერგეი გაიდაიმ განაცხადა, რომ უკრაინული ჯარები ტერიტორიებს „ეტაპობრივად“ იბრუნებენ, მაგრამ ეს სწრაფად არ ხდება.
ის ელოდება, რომ ბრძოლა მხოლოდ სიცივესთან ერთად გაძლიერდება, რადგან გაყინული მიწა მძიმე ტექნიკის გამოყენების საშუალებას იძლევა.
ამავდროულად, აშშ-ს ადმინისტრაციის კიდევ ერთი მაღალჩინოსანი სააგენტოსთან საუბარში უკრაინაში გაჭიანურებულ ომს წინასწარმეტყველებს.
„ბრძოლა ჯერ კიდევ საკმაოდ მძიმეა… რასაც ბახმუტში ვხედავთ, მოსალოდნელია ფრონტის სხვა სექტორებში, ბრძოლები გაგრძელდება უახლოეს თვეებში“, – ციტირებს Reuters-ს ანონიმი ოფიციალური პირის განცხადებას ვაშინგტონიდან
