ბათუმში, სადაც რუსული საკრუიზო გემის შემოსვლამდე მოქალაქეები შეიკრიბნენ და საპროტესტო აქცია გამართეს, პოლიციამ 10-მდე ადამიანი დააკავა.
ბათუმის პორტთან, აქცია გუშინ, გვიან ღამით დაიწყო. ადგილზე მოქალაქეებსა და სამართალდამცავებს შორის დაპირისპირება იყო. შინაგან საქმეთა სამინისტროს მოქალაქეების დაკავებასთან დაკავშირებით ჯერჯერობით ინფორმაცია არ გაუვრცელებია.
საკრუიზო ლაინერი Astoria Grande, რომელმაც საქართველოში რუსი ტურისტები შემოიყვანა, პორტში 6-ის ნახევარზე შემოვიდა. გემზე იმყოფებიან უკრაინაში ომისა და პუტინის მხარდამჭერებიც.
