დემი მური და ბრიუს უილისი, რომლებიც ერთმანეთს 20 წლის წინ დაშორდნენ თვითიზოლაციას ერთად ატარებენ. წყვილის უმცროსმა ქალიშვილმა, 26 წლის თალულამ სოციალურ ქსელში მშობლების ფოტო გამოაქვეყნა, რომელზეც მსახიობები მწვანე ზოლიან პიჟამოებში პოზირებენ. უკანა პლანზე ჩანს 28 წლის სკაუტ უილისი ქმართან, რეჟისორ დილონ ბასთან და მათ ძაღლთან ერთად.
დემი მურის და ბრიუს უილისის მესამე ქალიშვილმა, რუმერმა კი ოჯახურ ფოტოში მოხვედრა არ ისურვა. იზოლაციის დროს ვარსკვლავები როგორც ჩანს დროს მშვენივრად ატარებენ: არჩევენ არქივის ფოტოებს, ერთად მღერიან, იმპროვიზებულ წარმოდგენებს დგამენ და ვახშმებს ამზადებენ. ამის შესახებ მათ მიერ გამოქვეყნებული ფოტოები და ვიდეოები მეტყველებს.
რატომ გადაწყვიტა ბრიუს უილისმა ამ რთული პერიოდის ყოფილ ცოლთან და მათ საერთო შვილებთან ერთად გატარება და არა მის ახლანდელ ოჯახთან– ცოლთან ემა ჰემინგთან და ორ შვილთან ერთად, უცნობია. მოდელ ემა ჰემინგს მის გვერდზე ბრიუს უილისთან ქორწინების 11 წლისთავის აღსანიშნავი საარქივო ფოტოს გამოქვეყნყების შემდეგ არცერთი ერთობლივი ოჯახური ფოტო აღარ გამოუქვეყნებია.
დემი მური და ბრიუს უილისი 1987–2000 წლებში იყვნენ დაქორწინებული. მათ სამი ქალიშვილი ყავთ. მურმა მათი განქორწინების შესახებ ცოტა ხნის წინ გამოქვეყნებულ მემუარებში დაწერა:
“უნდა ვაღიარო, რომ ძალიან ვამაყობ ჩვენი განქორწინებით. ვფიქრობ, თავიდან ბრიუსს ეშინოდა, რომ ვაპირებდი ყველაფერი გამერთულებინა. ეშინოდა, რომ გავბრაზდებოდი და ეს გავლენას მოახდენდა შვილებთან მის ურთიერთობაზე. რომ მივმართავდი სხვადასხვა ხერხს, რომელსაც განქორწინებისას ბევრი წყვილი მიმართავს, როგორც იარაღს. მაგრამ ეს არ გამიკეთებია, და არც მას გაუკეთებია“– წერს მური და ყვება, რომ ამის მიუხედავად განქორწინება თავიდან ადვილი არ იყო, თუმცა მათ მოახერხეს გრძნობების ტრანსფორმირება ერთმანეთის მიმართ ახალ ურთიერთობებში, რამაც მათი შვილებისთვის კომფორტული გარემო შექმნა და ისინი უფრო ახლობლები გახადა ერთმანეთისთვის, ვიდრე განქორწინებამდე.
საბოლოო ჯამში, ყოფილი ცოლ–ქმარი მეგობრებად დარჩნენ. უილისმა ცოლად მოიყვანა ფოტომოდელი და მსახიობი ემა ჰემინგი. წყვილს ორი ქალიშვილი ყავს : რვა წლის მეიბლ რეი და ხუთი წლის ეველინ პენი. მური მათი ფიცის განახლების ცერემონიალს ესწრებოდა, რომელიც 2019 წელს გაიმართა. უილისი და ჰემინგი კი სექტემბერში მურის მემუარების პრეზენტაციაზე მის მხარდასაჭერად მივიდნენ.
