“ახლა იწყება ის პერიოდი როცა ყველანი უნდა მოვემზადოთ, იმისთვის რომ ყველა ხმა უნდა იყოს დაცული. ამაში თქვენ, ყველანი, თითო ადამიანი თითო მოქალაქე არის პასუხისმგებელი თავის ხმაზე, რომ მივიდეს. იმ შემთხვევაში, თუ თქვენი ახლობელი უცხოეთში ვერ ჩაეწერა, არ ჩაწერეს, ამოიღეს სიიდან, თქვენ ხართ პასუხისმგებელი იმაზე, რომ თქვენ თქვენი ხმაც გამოიყენოთ მათთვის და თქვენი ხმა დაიცვათ ორმაგად.
ამ ხმის დაცვისთვის არის საჭირო დამკვირვებლები. არსებობს ორგანიზაციები, რომლებიც ატარებენ ტრენინგებს, სადაც უნდა ჩაეწეროთ. მე მინდა მივმართო ახალგაზრდებს. თქვენ ხართ ჩვენი ქვეყნის მომავალი და თქვენი მომავალი არის ის რაც წყდება 26 ოქტომბერს. ამიტომ თქვენი დიდი პასუხისმგებლობა არის და თქვენ უთუოდ იქნებით, ძალიან კარგი დამცველები თქვენი ხმების. არსებობს ორგანიზაცია, რომელიც კოორდინაციას უწევს სხვადასხვა არასამთავრობოებს, სწორედ ამ ტრენინგებისთვის და დამკვირვებლებისთვის, ეს არის “ჩემი ხმა” და მე მინდა რომ მოგიწვიოთ და თქვენ ყველამ იგრძნოთ ეს პასუხისმგებლობა, რასაც ქვია დამკვირვებლობა, რომელიც არის ჩვენი ყველასი გამხნევება არჩევნების დღეს და რაც მთავარია მობილიზაცია – მისვლა არჩევნებზე.
არაერთხელ მითქვამს და მინდა რომ გავიმეორო, მთავარი დამარცხება გაყალბების, რომელიც მზადდება ყველა მხრიდან და ამას ჩვენ ძალიან კარგად ვხედავთ, დამარცხება გაყალბების არის მობილიზაცია. არის ყველას მისვლა. ასე რომ თქვენი, ჩემი, ყველასი, ჩვენი ვალდებულებაა რომ მივიდეთ არჩევნებზე. არცერთი ხმა არ დარჩეს გამოუყენებელი, იმისთვის რომ ეს ქვეყანა დავიცვათ, მისი დამოუკიდებლობა დავიცვათ, დავიცვათ მისი ევროპული მომავალი.”
განაცხადა ამის შესახებ, საქართველოს პრეზიდენტმა, სალომე ზურაბიშვილმა ბრიფინგზე.
