პრემიერმინისტრმა გიორგი გახარიამ გიორგი შაქარაშვილის საქმეზე განაცხადა, რომ პასუხგაუცემელი კითხვა არ დარჩება, რადგან მთავრობას “მწარე გამოცდილება აქვს”.
“ცხელი თემაა, იცით, რომ დღეს შინაგან საქმეთა სამინისტრომ დააკავა უკვე 17 ეჭვმიტანილი ამ საქმესთან დაკავშირებით. არასრულწლოვანთა მართლმსაჯულების კოდექსის მიხედვით, გამოძიებას აქვს 35 თუ 40 დღე, რომ სწრაფი ინტენსიური გამოძიება აწარმოოს. დარწმუნებული ვარ, რომ არანაირი კითხვის ნიშნები აქ არ დარჩება, არ დავტოვებთ, მწარე გამოცდილება გვაქვს და ჩვენ ჩვენს გამოცდილებაზე ვსწავლობთ”. – თქვა გიორგი გახარიამ.
19 წლის გიორგი შაქარაშვილის ცხედარი 4-დღიანი ძებნის შემდეგ 22 ივნისს, მდინარე არაგვში იპოვეს. ამ საქმეზე დღეს 17 პირი დააკავეს.
