თბილისი პრაიდის აქტივისტები პირველ ღონისძიებას მართავენ, სადაც ჰომოფობიური ჯგუფები მივიდნენ და ტერიტორიაზე შესვლას ცდილობენ.
საპატრულო პოლიციის უფროსი მათ მოუწოდებს, დაემორჩილონ პოლიციის კანონიერ მოთხოვნას.
“ჩვენ კიდევ ერთხელ მოვუწოდებთ ყველას, დაემორჩილონ პოლიციის კანონიერ მოთხოვნას. არ დაარღვიონ კანონი. ყველას აქვს სიტყვის და გამოხატვის უფლება, როგორც ერთ, ისე მეორე მხარეს. ჩვენ კიდევ ერთხელ მოვუწოდებთ მათ, რომ არ გაცდნენ კანონის ჩარჩოებს და თავიანთი პროტესტი გამოხატონ მშვიდ ვითარებაში. განვმარტავ, რომ ნებისმიერი ფაქტი სამართალდამცავზე თავდასხმის მკაცრად იქნება დასჯილი”,– თქვა სირაძემ.
კონტრაქციაზე იმყოფებიან მოძალადე, ჰომოფობიური ჯგუფების ლიდერები, გია კორკოტაშვილი და გურამ ფალავანდიშვილი და მათი მომხრეები.
