რუსი ოლიგარქი, რომან აბრამოვიჩი მის გავლენიან ამერიკელ მეგობრებს “ევედრება“ თითომ მილიონი დოლარი მაინც ასესხოს და გადაარჩინონ, რადგან მისი აქტივები სანქციების გამო გაყინულია. ამის შესახებ Page Six წერს.
გამოცემისთვის ცნობილი გახდა, რომ აბრამოვიჩის ხარჯები მომსახურე პერსონალზე კვირაში მინიმუმ 750 ათას დოლარს შეადგენს. ამ თანხაში შედის მისი ხუთი იახტის ეკიპაჟის წევრთა ხელფასები, რომელთაგან ორი – ეკლიპსი და სოლარისი ამჟამად თურქეთის ტერიტორიულ წყლებშია.
მართალია აბრმოვიჩს უამრავი გავლენიანი მეგობარი ყავს ჰოლივუდში და უოლსტრიტზე, ჟურნალისტები დარწმუნებულნი არიან, რომ მათ შეეშინდებათ ოლიგარქისთვის ფულის სესხება იმის მიუხედავადაც კი, რომ მან მონაწილეობა მიიღო რუსეთ–უკრაინას შორის სამშვიდობო მოლაპარაკებებში.
“მან ჰოლივუდელ პროდიუსერს და რეჟისორს, ბრეტ რატნერს და როტშილდების ოჯახსაც მიმართა ფულის სასესხებლად, და მართალია ისინი მეგობრები არიან, მაგრამ არ დათანხმდნენ ფული ესესხებინათ. შეიძლება იმიტომ, რომ ასეთი თანხები ნაღდ ფულად არ აქვთ, ან იმიტომ, რომ გაურკვეველია რა შედეგები ექნება მათთვის ამ გადაწყვეტილებას საერთაშორისო სამართლის მიხედვით “–უთხრა გამოცემას ინფორმირებულმა წყარომ.
დიდმა ბრიტანეთმა და ევროკავშირმა აბრამოვიჩის წინააღმდეგ სანქციები შემოიღეს. ბლუმბერგის მონაცემებით მარტის დასაწყისში მისი ქონება 14.3 მილიარდი დოლარი იყო .
რომან აბრამოვიჩი ფლობს მინიმუმ ხუთ იახტას, რომელთა საერთო ღირებულება 1.4 მილიარდი დოლარია, ასევე ფლობს მამულს კუნძულ სენ–ბარტსზე, რომელიც 700 მილიონი დოლარი ღირს. მისი ახტები ჯერჯერობით არ დაუპატიმრებიათ. ანტიგუას მთავრობამ დაადასტურა, რომ მათ ტერიტორიულ წყლებში მცურავი ორი იახტა აბრამოვიჩს ეკუთვნის.
