უკრაინის შეიარაღებული ძალების გენერალური შტაბის განცხადებით, დონეცკის მიმართულებით, ქალაქ მარინკას მახლობლად, უკრაინის ჯარების კონტრშეტევის შედეგად, მტერმა ზარალი განიცადა და უკან დაიხია.
გენშტაბის ცნობით, თავდაცვის ძალების ნაწილებმა დასახლებაზე კონტროლი აღადგინეს.
გარდა ამისა, უწყება აცხადებს, რომ მტრის ქვედანაყოფებმა სცადეს შეტევა და შეიჭრნენ ქალაქ იზიუმის სამხრეთით, თუმცა ისინი აქაც წარუმატებელი აღმოჩნდნენ, განიცადეს ზარალი და იძულებული გახდნენ უკან დაეხიათ ძველ პოზიციებზე.
გენშტაბის ინფორმაციით, სამხრეთ ბუჟის მიმართულებით ოლექსანდრივკას მიდამოში ბრძოლა გრძელდება, მტერი წარუმატებელია.
“ის ცდილობს მიაღწიოს ხერსონის ოლქის ადმინისტრაციულ საზღვარს, არ წყვეტს დასახლებების დაბომბვას”,– აღნიშნულია განცხადებაში.
