ერაყში, ქალაქ ერბილში აშშ-ს საკონსულოს მიმართულებით 12-მდე ბალისტიკური რაკეტა ისროლეს. რამდენიმე რაკეტა აშშ-ს საკონსულოსთან ახლოს ჩამოვარდა, თუმცა შენობა არ დაუზიანებია.
Reuters-ს აშშ-ს მთავრობის წარმომადგენელმა განუცხადა, რომ თავდასხმა ირანიდან განხორციელდა, თუმცა ჯერჯერობით თავდასხმაზე პასუხისმგებლობა არავის აუღია.
აშშ-ს სახელმწიფო დეპარტამენტის სპიკერი მომხდარ ფაქტს გამოეხმაურა და მას “აღმაშფოთებელი თავდასხმა” უწოდა.
ერაყის ქურთების პროვინციის ჯანდაცვის მინისტრის, სამან ბარზანჯის ინფორმაციით, შემთხვევის შედეგად არავინ დაღუპულა და დაშავებულა.
