ოთხშაბათს საღამოს აშშ-ის პრეზიდენტმა ჯო ბაიდენმა გამოაცხადა დიდი ხნის ნანატრი გადაწყვეტილება უკრაინისთვისს აბრამსის საბრძოლო ტანკების მიწოდების შესახებ და ხაზგასმით აღნიშნა, რომ ეს არ ნიშნავს რუსეთზე თავდასხმას.
”[აშშ-ს თავდაცვის მდივანმა ლოიდ] ოსტინმა რეკომენდაცია გაუწია ამ ზომას, რადგან ის დაეხმარება უკრაინას უკეთ დაიცვას თავისი ტერიტორია და მიაღწიოს სტრატეგიულ მიზნებს. აბრამსის ტანკები საუკეთესოა მსოფლიოში, მაგრამ მათი შენარჩუნება და მართვა უკიდურესად რთულია, ამიტომ ჩვენ ასევე ვაძლევთ უკრაინას სათადარიგო ნაწილებს და აღჭურვილობას ამ ტანკების ბრძოლის ველზე მომსახურებისთვის“, – განაცხადა აშშ-ს პრეზიდენტმა.
აბრამსები უნდა დაეხმარონ უკრაინის არმიას „გაზარდოს მანევრირება ღია ბრძოლის ველზე“, დასძინა ბაიდენმა.
მან მადლობა გადაუხადა გერმანიას, რომელიც დათანხმდა უკრაინის შეიარაღებული ძალებისთვის ლეოპარდ-2 ტანკებით მიწოდებაზე.
„მადლობელი ვარ კანცლერ შოლცის ლეოპარდ-2-ის ტანკების მიწოდების გადაწყვეტილებისთვის და იმისთვის, რომ გერმანია აორგანიზებს ორი სატანკო ბატალიონის უკრაინისთვის მიწოდებას. მინდა მადლობა გადავუხადო კანცლერს ლიდერობისთვის და უკრაინის მხარდასაჭერად კოლექტიური ძალისხმევის ერთგულებისთვის. გერმანია ნამდვილად ბევრს აკეთებს“, – განაცხადა აშშ–ს პრეზიდენტმა.
ჟურნალისტის კითხვაზე, თუ რატომ შეცვალა ვაშინგტონმა დამოკიდებულება უკრაინაში ტანკების მიწოდების მიმართ და იყო თუ არა ეს გერმანიის ზეწოლის შედეგი, ბაიდენმა თქვა, რომ ის ეძებს შეთანხმებულ ქმედებებს კიევის დასავლელი მოკავშირეების მხრიდან.
“გერმანიამ არ მაიძულა გადამეფიქრებინა. მე მინდოდა ჩვენი ერთიანობის უზრუნველყოფა. ახლა კი სწორედ ამას ვაკეთებთ”, – თქვა ბაიდენმა.
ბაიდენმა ხაზი გაუსვა, რომ შეერთებული შტატების მთავარი მიზანი უკრაინის სუვერენიტეტის დაცვაა.
“ეს არის ზუსტად ის, რაც ჩვენ გვინდა: დავეხმაროთ უკრაინას თავდაცვაში და უკრაინის მიწის დაცვაში. ეს არ არის რუსეთზე თავდასხმის საფრთხე. ასეთი საფრთხე არ არსებობს. თუ ჯარები რუსეთში დაბრუნდებიან, ეს ომი შეიძლება დღეს დასრულდეს“–თქვა ბაიდენმა.
