დაავადებათა კონტროლის ეროვნული ცენტრის ხელმძღვანელი, ამირან გამყრელიძე ადასტურებს, რომ 25 სექტემბერს თანამშრომლებთან ერთად იქეიფა, თუმცა ამტკიცებს, რომ რეგულაციები არ დაურღვევიათ.
„გიდასტურებთ, რომ ნამდვილად ვიყავი თანამშრომლებთან ერთად 24 სექტემბერს წინანდალში, ადგილობრივ მედიასთან და საზოგადოებრივი ჯანმრთელობის ცენტრებთან შეხვედრაზე, რომელიც ვაქცინაციის გააქტიურების საკითხებს ეხებოდა. 25-ში გახლდით სოფელ ყარაჯალასა და ველისციხეში მოსახლეობასთან შეხვედრებზე და ავცერით ასევე მსურველები.
დავათვალიერეთ ღვინის ძველი ქართული ტრადიციით დამზადების მუზეუმი-მარანი და ვისადილეთ ღია სივრცეში შესაბამისი რეგულაციების დაცვით. ყველა გახლავართ სრულად აცრილები. მარანმა გადაიღო რამდენიმე სამახსოვრო ფოტო“,– ამბობს ის.
სტუდია მონიტორის ინფორმაციით, დაავადებათა კონტროლისა ეროვნული ცენტრის დირექტორმა, ამირან გამყრელიძემ და მისმა თანამშრომლებმა 25 სექტემბერს ველისციხეში, ერთ-ერთ რესტორანში რეგულაციების დარღვევით იქეიფეს.
