რუსული მედია ავრცელებს წითელი სატვირთო მანქანის მფლობელის ფოტოს, რომელიც ყირიმის ხიდზე აფეთქდა.
ეს არის კრასნოდარელი ბორის იუსუბოვი, რომელზეც წითელი სატვირთო მანქანა იყო რეგისტრირებული. ვრცელდება ინფორმაცია, რომ მან მანქანა გაყიდა, თუმცა ახალ მფლობელს ის საკუთარ სახელზე არ გადაუფორმებია.
რუსეთის მილიციის ინფორმაციით, სატვირთოს მძღოლი მშვიდად იყო, არანაირ ეჭვს არ იწვევდა და მათ ყველა დოკუმენტი აჩვენა. ვარაუდობენ, რომ ასაფეთქებელი მოწყობილობა სატვირთო მისაბმელში იყო, რომელიც მთლიანად იყო დატვირთული. თუმცა ეს ვერსია საბოლოოდ დადასტურებული არ არის.
ავტომობილი ხიდთან, გამშვებ პუნქტზე რენდგენზე არ გაუტარებიათ, ის უბრალოდ ზედაპირულად დაათვალიერეს.
მოგვიანებით გავრცელდა მანქანის მფლობელის ვიდეოც.
