უნგრეთის პრეზიდენტი, ვიქტორ ორბანი კვლავ აცხადებს, რომ ევროპამ არასწორი პოზიცია დაიკავა უკრაინის კონფლიქტში და რომ მისმა სტრატეგიამ არ გაამართლა. მისი თქმით, დღევანდელი მდგომარეობა ცუდია ყველასთვის – ევროპისთვის, უკრაინისთვის და რუსეთისთვის.
მისი გამოსვლის ფრაგმენტი X-ში გამოაქვეყნა სახელმწიფო მდივანმა საერთაშორისო ურთიერთობების საკითხებში ზოლტან კოვაქსმა.
❗️@PM_ViktorOrban: Where we are now, it’s obvious that the Ukrainians will not win on the frontline. There is no solution on the battleground. Russians will not lose. There will be no political change in Moscow. This is the reality. pic.twitter.com/d3bMes1KLX
— Zoltan Kovacs (@zoltanspox) November 26, 2023
„აგრესია არის აგრესია, საერთაშორისო სამართლის დარღვევა არის საერთაშორისო სამართლის დარღვევა. ჩვენ ამას ვერ მივიღებთ. აშკარაა.
მაგრამ საკითხავია, როგორ რეაგირებდნენ ამაზე ევროპელები. ჩვენ არ გვქონდა ის რეაქცია, როგორიც უნდა გვქონოდა.
მსგავსი კრიზისი მოხდა ყირიმთან დაკავშირებით. და ჩვენმა ლიდერებმა იმ კრიზისს უპასუხეს იმით, რომ აუცილებელია კონფლიქტის ლოკალიზება და იზოლაცია…
ამჯერად ჩვენი რეაქცია საპირისპირო იყო – კონფლიქტის გლობალიზაცია და არა ლოკალიზაცია. ახლა კი ეს პრობლემა გლობალური პრობლემაა.
ვფიქრობ, ეს ცუდია ყველასთვის – ევროპისთვის, უკრაინელებისთვის, რუსებისთვის, ყველასთვის.
ჩვენი სტრატეგია იყო, რომ უკრაინელები იბრძოლებდნენ და გაიმარჯვებდნენ ფრონტზე. რუსები ფრონტზე დამარცხდებიან და ეს მარცხი გამოიწვევს მოსკოვში ცვლილებებს, ახალ ხელმძღვანელობას და ჩვენ შევძლებთ მოლაპარაკებების დაწყებას…
ეს იყო სტრატეგია – ჩვენ ვაფინანსებთ, უკრაინელები იბრძვიან და კვდებიან. Სად ვართ ახლა?
აშკარაა, რომ უკრაინელები ფრონტზე ვერ გაიმარჯვებენ, ბრძოლის ველზე გამოსავალი არ არის. რუსები არ დამარცხდებიან. მოსკოვში პოლიტიკური ცვლილებები არ იქნება. ეს არის რეალობა”.–თქვა ორბანმა.
