ბოდბელი ეპისკოპოსის, მეუფე იაკობის თქმით, გიორგი რურუა ციხეში ტელევიზიის გამო მოხვდა.
„უშუალოდ პოლიტპატიმრებად არ ვთვლიდი (უგულავას და ოქრიაშვილს), მაგრამ პოლიტიკა რომ ჩარეული იყო მაგაში ჩანდა, ხომ არ მოგატყუებთ ახლა. თუნდაც, ტელევიზია ავიღოთ, “მთავარი” ავიღოთ, რურუა არც ვიცოდი ტელევიზიის მეწილე რომ ყოფილა. მე პირადად, რასაც ვფიქრობ, ტელევიზიის გამო მოხვდა ციხეში. მაგი მასეა ჩემთვის”,- ამბობს მეუფე.
მისივე თქმით, როგორც უგულავას და ოქრუაშვილის, რურუასაც მალე გაათავისუფლებენ.
,,რურუასაც გაუშვებენ, ტელევიზიაზე რომ მაგის მეპატრონეობა არ ყოფილყო, ვის სჭირდებოდა? აქამდე დაიჭერდნენ დაჭერა, რომ ნდომებოდათ. ვერ დაიჭერდნენ?“- აღნიშნა ეპისკოპოსმა.
მეუფე იაკობი აცხადებს, რომ თუ სახელმწიფოს ხალხი უყვარს, დიდი ამნისტია უნდა გამოაცხადოს.
“მივულოცე განთავისუფლება და ნებისმიერს მივულოცავ და სახლმწიფოს თუ თავის ხალხის სიყვარული აქვს, რადგან ეს მოხდა, მე ვფიქრობ, რომ დიდი ამნისტიაც უნდა გააკეთონ და ბევრი ადამიანი გამოუშვან ციხიდან. მაგენი რომ გამოუშვან შეიძლება ამერიკელებისთვის ბევრი პოლიტიკური დევნილი იყოს, ან რუსებისთვის, ან ევროპელებისთვის, მაგრამ რისთვის არის და რისთვის იძახიან ისინი, რომ პოლიტიკური დევნილები არიან – შეიძლება, ხელისუფლების რაღაც არ მოსწონთ და თუნდაც მაგათ გამო აღიარებენ პოლიტიკურ დევნილად“, – განაცხადა მეუფე იაკობმა.
ცნობისთვის, პრეზიდენტმა გიგი უგულავა და ირაკლი ოქრუაშვილი შეიწყალა, გიორგი რურუა კი მათ შორის სავარაუდოდ იმიტომ ვერ მოხვდა, რომ ჯერ მსჯავრდებული არ არის.
პოლიტპატიმრების გათავისუფლებისკენ მთავრობას ოპოზიცია და საერთაშორისო პარტნიორები მოუწოდებდნენ.
