უკრაინის პრეზიდენტმა ვლადიმერ ზელენსკიმ კორონავირუსის საწინააღმდეგო ვაქცინა გაიკეთა. სხვა ლიდერებისგან განსხვავებით, ის აცრის დროს წელს ზემოთ გაშიშვლდა, რასაც სოციალურ ქსელში დიდი გამოხმაურება მოჰყვა. ზელენსკი ასტრაზენეკას ვაქცინით აიცრა.
„კორონავირუსის საწინააღმდეგო ვაქცინაცია გავიკეთე ჩვენს ჯარისკაცებთან ერთად, როგორც მათმა მთავარსარდალმა. Oxford / AstraZeneca-ს იმავე ვაქცინით, რომელიც ინდოეთიდან შემოვიდა და რომელიც მსოფლიოში მილიონობით ადამიანმა მიიღო. ვაქცინა მოგვცემს საშუალებას ისევ შეზღუდვების გარეშე ვიცხოვროთ,“- წერს ზელენსკი ტვიტერზე.
