თბილისში, ახმეტელის მეტროს მიმდებარედ ქვეითს ავტობუსი დაეჯახა. ქალს ფეხის ამპუტირება დასჭირდა.დაშავებული ქალი ქირურგიის ეროვნულ ცენტრში გადაიყვანეს.
კლინიკაში ამბობენ, რომ პაციენტი მათთან შოკურ მდგომარეობაში შეიყვანეს. პირველადი დახმარების გაწევის შემდეგ კი ამპუტირება ჩაუტარდა.
შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
