თურქეთის 10 პროვინციაში 3-თვიანი საგანგებო მდგომარეობა გამოცხადდა. ამის შესახებ, ქვეყნის პრეზიდენტმა რეჯეფ თაიფ ერდოღანმა განაცხადა.
“კატასტროფის ზონად გამოვაცხადეთ 10 პროვინცია, სადაც მიწისძვრა მოხდა. იმისათვის, რომ სამძებრო-სამაშველო სამუშაოები უპრობლემოდ განხორციელდეს, გადავწყვიტეთ, საგანგებო მდგომარეობა 10 პროვინციაში 3 თვით დავაწესოთ, კონსტიტუციის 119-ე მუხლის შესაბამისად“, – წერს ერდოღანი Twitter-ზე.
