რუსეთის პრეზიდენტი ვლადიმირ პუტინი „არ არის დაინტერესებული მშვიდობით“, — განაცხადა შაბათს ევროპული დიპლომატიის ხელმძღვანელმა კაია კალასმა, როდესაც კომენტარს აკეთებდა უკრაინაზე რუსეთის ჯარების მიერ განხორციელებულ თავდასხმებზე.
„რუსული რაკეტები შეუჩერებლად ეცემა უკრაინას, იწვევს სულ უფრო მეტ სიკვდილსა და ნგრევას. პუტინი კიდევ ერთხელ აჩვენებს, რომ მას მშვიდობა არ სურს. ჩვენ უნდა გავაძლიეროთ ჩვენი სამხედრო მხარდაჭერა — წინააღმდეგ შემთხვევაში, კიდევ უფრო მეტი უკრაინელი მშვიდობიანი მოქალაქე გადაიხდის ყველაზე მაღალ ფასს“, — დაწერა კაია კალასმა სოციალურ ქსელ X-ში.
7-დან 8 მარტის ღამეს, რუსეთის სამხედრო ძალებმა რამდენიმე თავდასხმა განახორციელეს უკრაინულ ქალაქებზე — დონეცკის ოლქში მდებარე დობროპოლიესა და ხარკოვის ოლქში მდებარე ბოგოდუხოვზე. შედეგად, 14 მშვიდობიანი მოქალაქე დაიღუპა, 37 დაიჭრა, მათ შორის ხუთი ბავშვი.
