კაპიტოლიუმის შენობაში შეჭრის დროს მომხდარ არეულობას ოთხი ადამიანის სიცოცხლე ემსხვერპლა, – BBC-ის ინფორმაციით, ამის შესახებ ვაშინგტონის პოლიციაში აცხადებენ.
მათივე ინფორმაციით, ამ დროისთვის 50-ზე მეტი ადამიანია დაკავებული, მათ შორის 47 – „კომენდანტის საათის“ დარღვევისთვის.
მანამდე ცნობილი გახდა, რომ დონალდ ტრამპის მომხრეების კაპიტოლიუმში შეჭრის დროს ცეცხლსასროლი იარაღის გასროლის შედეგად დაჭრილი ქალი დაიღუპა.
ვაშინგტონში, ადგილობრივი დროით 14:30 წუთზე ტრამპის მხარდამჭერები კაპიტოლიუმის შენობაში შეიჭრნენ. მათი ნაწილი შეიარაღებული იყო. აშშ-ს ეროვნულმა გვარდიამ და პოლიციამ ისინი ცრემლსადენი გაზით დაშალეს.
