გაეროს (UNFPA და UNDP) მიერ მომზადებული კვლევის “კაცები, ქალები და გენდერული ურთიერთობები საქართველოში” მიხედვით, საქართველოში გამოკითხული კაცების 83% ამბობს, რომ ჰომოსექსუალი შვილის ყოლის შერცვხვებოდა. იმავეს ამბობს გამოკითხული ქალების 74%.
კვლევის ავტორების თქმით, საქართველოში, ქალებსა და მამაკაცებს შორის, კვლავაც ნარჩუნდება ჰომოფობიური დამოკიდებულებები. მათივე თქმით, რესპონდენტებს, განსაკუთრებით, კაცებს, ღრმად აქვთ გამჯდარი ჰომოფობიური შეხედულებები.
ქალების 54% და კაცების 81% აცხადებს, რომ არასოდეს ეყოლება ჰომოსექსუალი მეგობარი. გარდა ამისა, გამოკითხული კაცების 83% და ქალების 64%-ს, სჯერა, რომ ჰომოსექსუალებს არ უნდა ჰქონდეთ ბავშვებთან მუშაობის უფლება.
კვლევის საველე სამუშაოები 2019 წლის ივლის-ოქტომბერში ჩატარდა დაა ჯამში 2 408 რესპონდენტი გამოიკითხა. შერჩევა რეპრეზენტატულია ქვეყნის დონეზე. კვლევისთვის ინსტრუმენტად შეირჩა საერთაშორისო კვლევა “კაცები და გენდერული თანასწორობის” (IMAGES) კითხვარი, რომელიც, თვისობრივი კვლევის დასკვნების საფუძველზე, კონტექსტუალურად იყო ადაპტირებული.
